ЗАДАЧА НА НЕДЕЛАТА

За учениците од 6 одделение- додатна настава

Верица, Наде и Лидија се претседателки на математичката, хемиската и литературната секција во едно училиште. Претседателката на литературната секција е најмлада и нема ни брат ни сестра во училиштето. Верица која седи во клупа со братот на Лидија, е постара од претседателката на хемиската секција. Одреди го името на претседателката на секоја од трите секции.

Математика со логика- прирачник

Задачи за математички олимпијади со решенија
12-ta balkanska olimpijada-str.1
12-ta balkanska olimpijada-str.2
12-ta makedonska olimpijada-str.1
12-ta makedonska olimpijadastr.2

       Еве како нашите ученици обработуваат една од наставните содржини на малку поинаков начин. Часот е објавен на страницата од Министреството за образование (www.eduvideo.mon.gov.mk) и линкот подолу води до него:
http://eduvideo.mon.gov.mk/details/7723

ЗАДАЧИ ЗА ДОДАТНА НАСТАВА ЗА 7 ОДД.

1*. Шестина од вкупната количина на некоја роба е продадена со заработка од 20%, а половина од робата со загуба од 10%. Со колку проценти заработка треба да се продаде остатокот од робата за да се покрие загубата?

2. На почетокот на учебната година во едно училиште имало еднаков број на момчиња и девојчиња. Во текот на годината се запишале уште 15 девојчиња и 5 момчиња. Сега бројот на девојчиња бил 51% од вкупниот број на ученици. Колку биле момчиња, а колку девојчиња на почетокот на учебната година?

3. Морската вода содржи 5% сол. Колку литри обична вода треба да се дотури на 40 литри морска вода за да се добие 2% солена вода?

4. Во сад имало 420 гр. дваесет процентен раствор на сол во вода. По извесно време поради испарување количината на растворот се смалила на 300 гр. Колкав е сега процентот на сол во водата?

5. Иван добил пари од татко му и заедно со тројца свои другари сакал да купи топка така што секој ќе плати подеднаков дел. Потоа дошол Марко па секој платил по петтина под цената на топката. Колку проценти од добиените пари заштедил Иван?

         РАБОТЕН ЛИСТ- ИНОВАЦИИ И ПРЕТПРИЕМНИШТВО
                 Систем од две равенки со деве непознати

 - Ваша задача е да составите текстуална задача која во решавањето ќе вклучува систем од две линеарни равенки со две непознати, според зададениот пример.
 - Задачата што ќе ја запишете и решите треба да е проблем од секојдневниот живот во функција на реализирање на бизнис идеи кои се базираат на оптималното решение.
 - По составувањето и решавањето на задачата ( методот за решавање го бирате сами ) треба да направите начин како тоа ќе го презентирате пред другите групи ( со PowerPoint на хамер и слично ).
 Преку задачата и презентацијата ќе треба да ги убедите другите групи дека вашиот бизнис план е добар и профитабилен.
 - Оценката на вашата група ќе биде определена преку меѓуученичка дебата и со инструмент за усна презентација следниот час !

Пример:
Елена има фирма за производстсво на дрвени и метални копчиња, а Миле има фирма за производство на панталони. За 105 000 денари Миле купи од Елена 1 000 дрвени и 1 500 метални копчиња.

 а) Колку чини дрвено, а колку метално копче ако се знае дека 500 дрвени чинат околу 300 метални копчња.

б) Колку сребрени копчиња би купил Миле за истите пари доколку Елена почне да произведува копчиња по цена од 7 пати повисока од цената на дрвените копчиња.

Задачата треба да биде подготвена на 04.03.2014 за презентирање.

Задачи  за  ДОДАТНА НАСТАВА ЗА 7 ОДДЕЛЕНИЕ  (1-4 задача треба да се решат за понеделник, 27.01.2014: 5-7 задача рок за решавање до петок 31.01.2014) кликни тука за да ги видиш задачите

ДОМАШНА РАБОТА ЗА 7А ОДДЕЛЕНИЕ, 20.01.2014

Упатство за изработка: 

• За домашна работа учениците ги решаваат САМО задачите кои не ги решавале во својата група на наставниот час од 20.01.2014.
• Изработената домашна работа ќе биде проверена на 22.01.2014

РАБОТЕН ЛИСТ

1.    Конструирај агол од : сите групи- а) 60^о           

1 група-  б) 90 ^о                      2 група-  в) 45 ^о                  3 група- г) 150 ^о                4 група- д)  225 ^о

2.    Нацртај кружница k(O, 2cm) a потоа низ точка М што лежи на кружницата конструирај нејзина тангента ( со еден од начините)- 1 и 2 група со конструкција на агол 90^о, а 3 и 4 група со користење на симетрала на отсечка.

3.    1гр. Конструирај триаголник со страни 4см и 5 см, и аголот меѓу тие страни 70^о.

2гр. Конструирај триаголник со страна 6см и аглите што лежат на таа страна 35⁰ и 50^о.

3гр. Конструирај рамнокрак триаголник со агол при основата 55^о  и основа 3см.

4 гр. Конструирај правоаголен триаголник со една катета 4 см и агол 65^о.